Hukumar Yan Sanda Tayi Naam Da Halin Yan Sanda Lokacin Zaben Bayelsa

Hukumar yan sanda tayi naam da yanda yan sandan Najeriya suka gudanar da aikin su a lokacin zabe daya gudana a Bayelsa.

Yan sanda

Jami’i mai hudda da jama’a na hukumar, Ikechukwu Ani, ya bayyana cewa kwamitin mutane 19 da aka aika jihar ya bayyana cewa duk inda suka ziyara sunga yan sandan Najeriya sun nuna hali na gari.

Kwamitin wanda ya samu agora ci daga mataimakin Sifeto Janar na yan sanda, Yakubu Muhammad, ya bayyana cewa sun ziyarci rumfa 43 inda suka ga komai Lafiya lau.

Yace: “Kwamitin mu ya ziyarci mazabu 43 daga cikin kananan hukumomi 4 daga cikin 8 na jihar. Sannan kuma mazabun daga cikin kauyuka 27 ne daga jihar.”  

Ya bayyana cewa a Yenagoa, sun ga an sanya yan sanda 9 a kowace runfar zabe. Amma a wasu rumfunan har yan sanda 21 ke akwai A Ogbia, Sagbama, da Kolokom/Opokum ne kawai keda 3 ko 4.

Hukumar zabe ta kasa dai ta bayyana cewa babu wanda ya lashe zaben na Bayelsa wanda aka gudanar a ranar 5 ga watan Disamba.

The post Hukumar Yan Sanda Tayi Naam Da Halin Yan Sanda Lokacin Zaben Bayelsa appeared first on Nigeria News today & Breaking news | Read on NAIJ.COM.