Kokarin Fayose na kwato ajiyar bankinsa ya ci tura

-EFCC ta hanawa Fayose sarrafa ajiyarsa ta baki sakamakon binciken da ta ke yi na kudin sayen makamai

-Fayose na ta fafutukar kwato asusun daga hannu hukumar ta hanyar lauyansa

Gwamna Fayose

A ranar Talata 28 ga watan Yuni, wata babban kotun tarayya da ke zamanta a Ado Ekiti, ta jingine yanke hukuncin a kan karar da gwamna Fayose ya shigar, a inda ya ke neman ta janye takunkumin na EFCC.

KU KARANTA: Hukumar EFCC tana yi ma Femi Fani-Kayode Barazana

Asusun ajiyar gwamnan na kashin kansa da ke reshen Zenith na Ekiti, an hana masa amfani da shi bisa umarnin hukumar EFCC, a bisa zargin an biya wasu kudade da aka ware na sayen makamai daga ofishin tsohon mai ba shugaban kasa shawara kan tsaro, Sambo Dasuki.

Gwamna Fayose ta hannun wani lauyan sa Mista Mike Ozekhome mai mukamin SAN, a ranar 24 ga watan Yuni, ya nemi babban kotun da ta ba da umarni na musamman na kau da umarnin EFCC, wanda zai ba shi sarrafa asusun ajiyarsa, har sai lokacin da kotun yanke hukunci kan kara da ya shigar kan batun. Cikin wadanda ya shigar a cikin karar har da EFCC da kuma bankin Zenith.

A wani labarin kuma, wasu jami’an hukumar EFCC sun kame wani na hannun daman Fayose a Legas ranar Litinin 27 ga watan Yuni.

Mai magana da yawun hukumar, Wilson Uwajaren ya tabbatar da labarin kame mutumin mai kokarin ba saja, amma bai yi wani karin bayani ba. Shima Lere Olayinka na maitaimakawa Fayose a harkar labarai ya tabbartar da afkuwar lamarin.

The post Kokarin Fayose na kwato ajiyar bankinsa ya ci tura appeared first on Nigeria News today & Breaking news | Nigerian newspapers 24/7.